Xavi, þjálfari Barcelona, er harðákveðinn í að hætta með liðið eftir tímabilið og er ekkert sem getur breytt ákvörðun hams.
Spánverjinn kom Börsungum í 8-liða úrslit Meistaradeildar Evrópu í gær eftir frábæran 3-1 sigur á Napoli.
Fjölmiðlamenn spurðu Xavi eftir leikinn hvort það væri möguleiki á að hann yrði áfram ef Barcelona myndi vinna Meistaradeildina, en Xavi var ákveðinn í svari sínu.
„Þið haldið áfram að spyrja mig hvort ég verði áfram ef við vinnum Meistaradeildina, en svarið er nei. Framtíð mín mun ekki breytast og á sama á við um svarið.“
„Ég fer eftir tímabilið en mun halda áfram að njóta Meistaradeildarinnar sem stuðningsmaður Barcelona,“ sagði hann í lokin.
Athugasemdir
