Facundo Pellistri er á láni hjá Granda frá Manchester United en hann er ansi svekktur með veruna á Spáni til þessa.
Granada er í næst neðsta sæti þrettán stigum frá öruggu sæti en Pellistri gekk til liðs við félagið í lok janúar og hefur leikið sex leiki og skorað eitt mark.
„Við erum að ganga í gegnum erfiða tíma hjá félaginu en svona er fótboltinn. Það eru góð og slæm augnablik og maður verður að vera klár í að breyta hugarfarinu og koma með góða orku," sagði Pellistri.
„Ég fæ margar mínútur hjá Granada. Ég er ánægður með það en sár yfir frammistöðu liðsins. Við viljum allir halda sætinu í deildinni og það er enn möguleiki. Ef tækifærið er enn til staðar munum við halda áfram að berjast."
Umboðsmaður Pellistri gagnrýndi Erik ten Hag á dögunum og sagði að það yrði erfitt fyrir leikmanninn að komast í lið United undir stjórn hollenska stjórans.
