Georgíumenn voru staðráðnir í að komast á Evrópumótið í fyrsta sinn í sögunni.

Fyrri hálfleikurinn bauð ekki upp a mikla dramatík. Giorgi Chakvetadze fékk hættulegsta færið er Odysseas Vlachodimos varði aukaspyrnu hans undir lok hálfleiksins.

Síðari hálfleikurinn var ekki ósvipaður. Dómarinn var í því að gefa gul spjöld og dró hann einnig upp rauða spjaldið eftir að varamarkvörður Georgíu lenti í útistöðum við Grikki.

Ekkert var skorað eftir venjulegan leiktíma og ekki kom það í framlengingunni heldur.

Það þurfti því vítaspyrnukeppni til að knýja fram sigurvegara en þar hafði Georgía betur, 4-2. Grikkir settu tvær vítaspyrnur framhjá markinu og reyndist það rándýrt.

Georgía er komið á EM í fyrsta sinn en Grikkir fara heim með sárt ennið.