25.04.24 - 07:00
Jóhann Þór Hólmgrímsson
Bournemouth ætlar að áfrýja rauða spjaldinu á Kerkez
Milos Kerkez
Mynd: EPA
Milos Kerkez
Mynd: EPA
Bournemouth ætlar að áfrýja rauða spjaldinu sem Milos Kerkez leikmaður liðsins fékk í 1-0 sigri liðsins gegn Wolves í gær.
Kerkez fékk rautt spjald þegar hann braut á Matt Doherty þegar rúmar tíu mínútur voru til loka venjulegs leiktíma.
Andoni Iraola sagði eftir leikinn að félagið ætli sér að áfrýja dómnum.
„Mér finnst þetta ver gult spjald. Ég held hann fái þriggja leikja bann. Hann fer með einn fót og beygir hann til að koma í veg fyrir að meiða leikmanninn. Við munum áfrýja þessu því ég tel að refsingin sé ekki réttmæt," sagði Iraola.
