„Ég er ánægður með gluggann til þessa, Sergio Reguilon er mikilvægasta púslið því við þurftum vinstri bakvörð og fengum algjöran toppleikmann. Ég get ekki beðið eftir að sjá hann blómstra."

„Svo fórum við týpísku Brentford leiðina þegar við fengum tvo mjög góða og hæfileikaríka leikmenn í Yunus (Emre Konak) og Hákoni (Valdimarssyni), sem ég er mjög, mjög ánægður með."

„Við munum skoða hvort við getum fengið einn í viðbót í glugganum - gæti orðið erfitt - en við höfum einnig verið að vinna í mönnum sem gætu komið í sumar. Við sinnum alltaf okkar vinnu þegar við skoðum leikmenn og stundum tekur það tíma. Stundum þegar þú nærð ekki einhverju í fyrstu tilraun, þá reyniru aftur," sagði Frank.

Hann var svo spurður sérstaklega út í Hákon sem keyptur var frá Elfsborg í síðustu viku.

„Mér finnst við vera með mjög góðan hóp af markmönnum sem vinna hörðum höndum saman. Ég býst við að Hákon komist nokkuð þægilega inn í þann hóp og inn í félagið. Hann mun æfa vel og bæta sig. Þetta verða fjórir mánuðir af lærdómi og aðlögun, svo vonandi getur hann slegið í gegn þegar við byrjum aftur eftir sumarfrí. Ég er mjög ánægður að við náðum að fá hann í baráttu við önnur félög - önnur úrvalsdeildarfélög. Ég held þetta séu mjög góð kaup," sagði Frank.

Mark Flekken er aðalmarkvörður Brentford og Thomas Strakosha er varamarkvörður. Strakosha hefur verið orðaður í burtu en Frank býst ekki við öðru en að hann klári tímabilið hjá Brentford.

Straight to work at JR ???????? pic.twitter.com/mk61lmS53t

— Brentford FC (@BrentfordFC) January 27, 2024