Þetta haust ætlar ekki að vera glæsileg auglýsing fyrir fótboltann því eftir allt sem á undan er gengið undanfarnar vikur bættist nýr skandall við í morgun. Þá greindu ensku dagblöðin frá því að tveir knattspyrnumenn hafi greinst með kókaín og alsælu í blóðinu einhvern tíma á síðustu þremur mánuðum.
UK Sport, Lyfjanefnd breska íþróttasambandsins staðfesti þetta svo í morgun en nöfn leikmannana hafa ekki komið fram ennþá en þeir voru meðal þeirra 272 leikmanna úr ensku deildunum sem fóru í lyfjapróf á tímabilinu 1. júlí til 30. september.
Enska knattspyrnusambandið neitaði í dag að segja nöfn leikmannana sem notuðu lyfin. UK Sport nefndi þrjá leikmenn í mánaðarlegri skýrslu sinni, þessa tvo og svo þriðja sem fór ekki að skipunum en ljóst er að það er Rio Ferdinand leikmaður Manchester United sem ekki mætti í lyfjapróf eins og frægt er orðið.
Athugasemdir
