Niðurstaðan var jafntefli þegar Almeria og Sevilla áttust við í eina leik kvöldsins í spænsku úrvalsdeildinni en síðustu mínútur leiksins voru hressandi.

Leikurinn fór fram á heimavelli Almeria og það voru heimamenn sem komust yfir er Adri Embarba skoraði á 38. mínútu.

Almeria leiddi lengi vel, eða þangað til á 81. mínútu þegar Dodi Lukebakio. Stuttu eftir það kom Lucas Ocampos svo Sevilla yfir. Hlutirnir eru fljótir að breytast í fótboltanum, en Sevilla náði ekki að halda út þar sem Marko Milovanovic jafnaði í uppbótartímanum.

Lokatölur 2-2 en Sevilla er í 14. sæti á meðan Almeria er á botninum með aðeins tíu stig. Almeria er 14 stigum frá öruggu sæti og bara tímaspursmál hvenær liðið fellur.