Sveindís Jane Jónsdóttir.
Landsliðskonan Sveindís Jane Jónsdóttir var á skotskónum í kvöld þegar Wolfsburg vann stórsigur á RB Leipzig í þýsku úrvalsdeildinni.
Wolfsburg leiddi 2-0 eftir fyrri hálfleikinn og gerði Sveindís þriðja markið snemma í seinni hálfleiknum.
Sveindís hefur núna gert tvö mörk fyrir Wolfsburg í þýsku úrvalsdeildinni eftir að hún sneri til baka úr erfiðum meiðslum.
Wolfsburg vann leikinn 4-0 og er í öðru sæti deildarinnar, einu stigi á eftir Bayern München. Baráttan um titilinn verður hörð alveg til enda.
Sverrir spilaði í góðum sigri
Í dönsku úrvalsdeildinni spilaði landsliðsmiðvörðurinn Sverrir Ingi Ingason allan tímann þegar Midtjylland vann sterkan sigur á Randers, 0-1. Sigurmarkið kom um miðbik fyrri hálfleiks.
Sverrir Ingi og félagar eru á toppi dönsku úrvalsdeildarinnar eftir þennan sigur með einu stigi meira en Bröndby og þremur stigum meira en FC Kaupmannahöfn sem er í þriðja sæti.
Sverrir Ingi Ingason.
Athugasemdir
