Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   fim 13. september 2012 11:00
Sammarinn.com
Pistill: Pistlar á Fótbolta.net eru viðhorf höfundar og þurfa ekki endilega að endurspegla viðhorf vefsins eða ritstjórnar hans.
Tíu líklegir til þess að leika utan landsteinana
Hjörvar Ólafsson skrifar:
Sammarinn.com
Sammarinn.com
Andri Adolphsson.
Andri Adolphsson.
Mynd: Fótbolti.net - Hrafnhildur Heiða Gunnlaugsdóttir
Jóhann Laxdal.
Jóhann Laxdal.
Mynd: Fótbolti.net - Hrafnhildur Heiða Gunnlaugsdóttir
Sverrir Ingi Ingason.
Sverrir Ingi Ingason.
Mynd: Fótbolti.net - Hafliði Breiðfjörð
Nú þegar sígur á seinni hlutann á knattspyrnuvertíðinni hér heima er við hæfi að spá fyrir um hvaða leikmenn hafa heillað forráðamenn erlendra liða undanfarið.

Hér er listi yfir 10 leikmenn sem líklegt er að haldi í bakpokaferðalag um Evrópu í haust í þeim tilgangi að finna sér nýja vinnuveitendur.

Andri Adolphsson. Andri hefur leikið 16 leiki með ÍA í Pepsi deildinni í sumar. Andri hefur lagt upp fjölda marka fyrir félaga sína í sumar og leikið vel með Skagamönnum. Það sem Andri þyrfti þó að bæta í sínum leik er að leggja meira til í markaskorun sjálfur.

Björn Daníel Sverrisson. Það voru einhverjir FH-ingar hræddir um að erfitt yrði að fylla skarð Matthíasar Vilhjálmssonar í sumar. Þær áhyggjur voru óþarfar þar sem Björn Daníel hefur fyllilega tekist að valda því hlutverki. Björn hefur skorað átta mörk í sumar og lagt upp þó nokkur mörk að auki. FH-ingar þurfa líklega að finna arftaka Björns næsta sumar.

Davíð Þór Ásbjörnsson. Davíð Þór hefur leikið afar vel með Fylkismönnum í sumar. Davíð getur leikið margar stöður á vellinum. Davíð er nautsterkur varnarlega og yfirvegaður leikmaður sóknarlega.

Einar Karl Ingvarsson. Einar Karl er gríðarlegt efni úr Hafnarfirðinum. Einar hefur góða skotlöpp, mikla yfirsýn yfir völlinn og er með góða sendingagetu. Ef svo ólíklega vill til að einhverjir útsendarar hafi verið staddir á leik FH og Fylkis á Fylkisvellinum nú fyrir skömmu þá er ekki spurning um að Einar leikur erlendis eftir tímabilið. Einar tók leikinn yfir og tryggði FH sigur með stórglæsilegu marki.

Finnur Orri Margeirsson. Þrátt fyrir ungan aldur hefur Finnur Orri verið fyrirliði Blika undanfarin tvö ár að mig minnir. Finnur getur leikið sem miðvörður og djúpur miðjumaður. Finnur les leikinn vel og finnur vanalegan góðan sendingarmöguleika við allar aðstæður. Blikar missa líklega fyrirliða sinn í vetur.

Hannes Þór Halldórsson. Hannes Þór hefur átt tvö frábær tímabil með KR og virðist hafa tryggt sér byrjunarliðssætið í íslenska landsliðinu. Hannes lék með Brann til skamms tíma síðastliðið vor. Hannes tryggir sér að öllum líkindum lengri samning við erlent lið í vetur.

Jóhann Laxdal. Jóhann hefur verið einn af lykilmönnum í uppgangi Stjörnumanna undanfarin ár. Jóhann er gríðarlega snöggur og kraftmikill leikmaður sem getur leyst allar stöður inni á knattspyrnuvellinum. Líklegt að Stjarnan muni missa hann í vetur.

Jón Daði Böðvarsson. Jón Daði hefur staðið upp úr í liði Selfoss í sumar. Jón er leikinn með boltann og gríðarlega öruggur í sínum aðgerðum. Jón hefur góðan leikskilning og er naskur við að þefa uppi góð marktækifæri fyrir sjálfan sig og félaga sína. Þá er Jón bæði með góðar fyrirgjafir og fínustu skot.

Rúnar Már Sigurjónsson. Rúnar Már er sá eini sem sýnt hefur stöðugleika í annars sveiflukenndu Valsliði í sumar. Rúnar hefur góða boltatækni og er gríðarlega duglegur leikmaður. Valsmenn þurfa að leita að öðrum leikmanni til þess að skora og leggja upp mörk á næsta tímabili.

Sverrir Ingi Ingason. Sverrir er ungur og gríðarlega efnilegur hafsent. Sverrir er sterkur í návígum, les leikinn vel og kemur boltanum vel frá sér. Sverrir lék með Augnabliki í 3. deildinni í fyrra og tók nokkuð stórt skref á sínum ferli í sumar. Sverrir mun taka annað stórt skref á ferli sínum í vetur.

Smelltu hér til að lesa greinina og taka þátt í umræðum á Sammarinn.com
Athugasemdir
banner
banner
banner
banner