Kovac orðaður við stjórastól Liverpool - Newcastle vill Gibbs-White - Dewsbury-Hall orðaður við Tottenham
   fim 30. mars 2017 21:30
Bjarni Þórarinn Hallfreðsson
Lengjubikarinn: Grindvíkingar í 8-liða úrslit
Magnús Björgvinsson skoraði bæði mörk Grindvíkinga í kvöld
Magnús Björgvinsson skoraði bæði mörk Grindvíkinga í kvöld
Mynd: Fótbolti.net - Hafliði Breiðfjörð
Stjarnan 2 - 2 Grindavík
0-1 Magnús Björgvinsson ('29)
0-2 Magnús Björgvinsson ('30)
1-2 Óttar Bjarni Guðmundsson ('65)
2-2 Hólmbert Aron Friðjónsson úr víti ('83)

Stjarnan tók á móti Grindavík í riðli 4 í A-deild Lengjubikars karla í kvöld.

Bæði lið voru að berjast um að komast í 8-liða úrslit Lengjubikarsins en fyrir leikinn voru liðin jöfn á stigum með 10 stig en Grindvíkingar voru ofar vegna betra markahlutfalls.

Eftir tæpan hálftíma leik kom Magnús Björgvinsson Grindvíkingum yfir og mínútu síðar var hann aftur á ferðinni þegar hann tvöfaldaði forystu gestanna.

Staðan 2-0 í hálfleik fyrir Grindvíkinga.

Óttar Bjarni Guðmundsson minnkaði muninn fyrir Stjörnuna á 65. mínútu og á 83. mínútu fékk Stjarnan tækifæri til þess að jafna leikinn þegar þeir fengu vítaspyrnu.

Úr spyrnunni skoraði Hólmbert Aron Friðjónsson og staðan orðin jöfn.

Ekki urðu fleiri mörk skoruð í leiknum og lokatölur því 2-2.

Liðin enda því bæði með 11 stig. Vegna betra markahlutfalls eru Grindvíkingar öruggir með sæti í 8-liða úrslitum.

Stjarnan þarf hins vegar að bíða til morguns til að vita hvort þeir verði í 8-liða úrslitum eða ekki en Breiðablik getur náð Stjörnunni og Grindavík á stigum þegar liðið mætir Leikni Fáskrúðsfirði á morgun.

Sigri Breiðablik fara þeir í 8-liða úrslit. Takist Blikum ekki að sigra, fer Stjarnan í 8-liða úrslitin.

Staðan í riðlinum má sjá hér að neðan.

1. Grindavík 5 leikir - 11 stig (+8)
2. Stjarnan 5 leikir - 11 stig (+4)
3. Breiðablik 4 leikir - 8 stig (+5)
4. Þróttur R. 4 leikir - 3 stig (-6)
5. Fram 5 leikir - 1 stig (-5)
6. Leiknir F. 3 leikir - 1 stig (-6)



Athugasemdir
banner
banner
banner
banner