Liðin mætast í seinni undanúrslitaleik bikarsins í ár og mun sigurliðið keppa við Val í úrslitaleiknum, eftir að Valsarar lögðu Stjörnuna að velli um mánaðamótin.

Liðin mætast á Ísafirði en Vestri hefur átt gott tímabil bæði í deild og bikar þrátt fyrir slæmt gengi síðustu vikna. Fram hefur verið að eiga frábært tímabil og situr í fjórða sæti Bestu deildarinnar.

Njarðvík fær þá tækifæri til að hirða toppsæti Lengjudeildarinnar þegar liðið heimsækir Völsung á Húsavík, eftir að núverandi topplið ÍR tapaði sínum fyrsta deildarleik á tímabilinu í gærkvöldi.

Þór tekur svo á móti Leikni R. í seinni leik dagsins og getur komist uppfyrir Keflavík og í fimmta sæti með sigri. Þórsarar eru sex stigum á eftir Njarðvíkingum sem stendur.

Það fara fimm leikir fram í 2. deild karla og einn leikur í 3. deild og 4. deild, auk tveggja leikja í utandeildinni.

Þá eru einnig þrír leikir á dagskrá í 2. deild kvenna.

Mjólkurbikar karla
14:00 Vestri-Fram (Kerecisvöllurinn)

Lengjudeild karla
14:00 Völsungur-Njarðvík (PCC völlurinn Húsavík)
16:00 Þór-Leiknir R. (Boginn)

2. deild karla
14:00 KFG-Víkingur Ó. (Samsungvöllurinn)
14:00 Kári-Höttur/Huginn (Akraneshöllin)
14:00 Grótta-Kormákur/Hvöt (Vivaldivöllurinn)
14:00 KFA-Ægir (SÚN-völlurinn)
16:00 Dalvík/Reynir-Þróttur V. (Dalvíkurvöllur)

2. deild kvenna
14:00 Einherji-KÞ (Vopnafjarðarvöllur)
14:00 Selfoss-ÍH (JÁVERK-völlurinn)
18:00 Vestri-Álftanes (Kerecisvöllurinn)

3. deild karla
16:00 Sindri-Tindastóll (Jökulfellsvöllurinn)

4. deild karla
14:00 KFS-KÁ (Týsvöllur)

Utandeild
12:00 Einherji-Neisti D. (Vopnafjarðarvöllur)
14:00 Hamrarnir-Fálkar (Greifavöllurinn)