Liverpool trónir á toppi ensku deildarinnar með átta stiga forystu á meðan Gylfi Þór Sigurðsson og félagar í Everton eru aðeins tveimur stigum fyrir ofan fallsæti.

Jürgen Klopp gerir fimm breytingar á liðinu sem lagði Brighton að velli um helgina. Adrian kemur í markið fyrir Alisson sem er í leikbanni á meðan James Milner og Adam Lallana fá tækifæri á miðjunni.

Divock Origi byrjar fremstur og er Xherdan Shaqiri á kantinum. Þeir koma inn í liðið fyrir stórstjörnurnar Roberto Firmino og Mohamed Salah sem byrja á bekknum.

Gylfi Þór fær fyrirliðabandið á miðjunni hjá Everton enda hvorki Seamus Coleman né Leighton Baines í byrjunarliðinu. Marco Silva gerir ekki neina breytingu á liðinu sem tapaði 2-1 fyrir Leicester um helgina.

Liverpool: Adrian, Alexander-Arnold, Van Dijk, Lovren, Robertson, Milner, Wijnaldum, Lallana, Mane, Origi, Shaqiri
Varamenn: Kelleher, Keita, Firmino, Salah, Gomez, Henderson, Oxlade-Chamberlain

Everton: Pickford, Holgate, Mina, Keane, Sidibe, Davies, Sigurðsson, Digne, Iwobi, Richarlison, Calvert-Lewin
Varamenn: Lössl, Baines, Schneiderlin, Bernard, Walcott, Tosun, Kean