„Það er rétt að félagið er í frábærri stöðu fjárhagslega og við getum styrkt leikmannahópinn næsta sumar. Það mikilvægasta er að kaupa rétta leikmenn inn, ef við tökum rangar ákvarðanir þá missum við forystuna sem við höfum á leikmannamarkaðinum," sagði Postecoglou.

„Við erum samt ekki í stöðunni til að eyða 100 milljónum í einn leikmann. Ég myndi frekar kaupa tvo leikmenn sem kosta 50 milljónir hvor."

Lærisveinar Postecoglou hjá Tottenham eru í fimmta sæti ensku úrvalsdeildarinnar sem stendur, fimm stigum eftir Aston Villa í meistaradeildarsæti en liðin mætast í innbyrðisviðureign á morgun. Það ríkir mikil eftirvænting fyrir þennan meistaradeildarslag.