Fofana var með nóg af plássi þegar hann lét vaða af 25 metra færi og reyndist skotið óverjandi fyrir Alphonse Areola á milli stanga Hamranna.

Fofana er aðeins 21 árs gamall og var þetta þriðja markið hans í sjö leikjum í ensku úrvalsdeildinni eftir að hann gekk til liðs við Burnley á lánssamningi í janúar.

Framherjinn kröftugi er samningsbundinn Chelsea næstu árin og vonast til að berjast um byrjunarliðssæti í fremstu víglínu á næstu leiktíð, þar sem Mauricio Pochettino hefur verið í miklum vandræðum með að finna góðan markaskorara.

Burnley á gríðarlega erfitt verkefni framundan þar sem liðið er tíu stigum frá öruggu sæti í úrvalsdeildinni, þegar tíu umferðir eru eftir af tímabilinu. Lærisveinar Vincent Kompany þurfa að vakna til lífsins og byrja að raða inn sigrum til að eiga einhverja möguleika á að forðast fall beint aftur niður í Championship deildina.

West Ham 0-[1] Burnley - Datro Fofana 11’ (Great Goal)
byu/notknown286337 insoccer