Sutton ræddi þetta við fjölmiðlamanninn Ian Ladyman í hlaðvarpi Daily Mail en Ladyman birti sinn lista yfir fimm verstu dýfara í sögu fótboltans.

Hann setti Jurgen Klinsmann í fimmta sæti, Cristiano Ronaldo í fjórða sæti, Luis Suarez í þriðja, Rivaldo í annað sæti og á toppnum hjá honum var Ashley Young.

Sutton var ekki alveg sammála og sagði: „Ég ætla að nefna tvo hérna sem er skandall að þú skildir utan listans. Bruno Fernandes er einn sá versti. Og sá alversti er Harry Kane. Það má reyndar ekki segja það vegna þess að hann er fyrirliði enska landsliðsins," sagði Sutton.

„Kane er versti dýfari sem ég hef nokkurn tímann séð. Hann er stórkostlegur leikmaður og er með allt í sínum leik en hann er hræðilegur dýfari."