Hefur áður dæmt landsleik milli þjóðanna
Clement Turpin.
Franski dómarinn Clement Turpin verður með flautuna í Wroclaw í Póllandi á þriðjudag þegar Úkraína og Ísland eigast við í hreinum úrslitaleik um sæti á EM.
Turpin er einn besti dómari heims og dæmdi á HM 2018 og 2022 og á Evrópumótunum 2016 og 2020. Árið 2022 dæmdi hann úrslitaleik Meistaradeildarinnar, viðureign Liverpool og Real Madrid.
Turpin er einn besti dómari heims og dæmdi á HM 2018 og 2022 og á Evrópumótunum 2016 og 2020. Árið 2022 dæmdi hann úrslitaleik Meistaradeildarinnar, viðureign Liverpool og Real Madrid.
Turpin hefur áður dæmt landsleik milli Úkraínu og Íslands. Hann dæmdi leik liðanna í september 2016 þegar þau mættust í undankeppni HM í Kænugarði. Alfreð Finnbogason skoraði mark Íslands í 1-1 jafntefli.
Sá leikur var leikinn án áhorfenda þar sem Úkraína hafði fengið refsingu vegna óláta áhorfenda.
Allt dómarateymið sem starfar á leiknum á þriðjudag er skipað Frökkum.
Turpin dæmdi leik Úkraínu og Íslands 2016. Hér er Alfreð Finnbogason að fá gula spjaldið frá honum.
Athugasemdir
