Heimild: BBC
Kuyt skorar annað markið sitt í dag.
,,Að skora þrennu gegn United er besta tilfinning á ævi minni," sagði Dirk Kuyt eftir að hann skoraði öll mörk Liverpool í 3-1 sigri á Manchester United.
Kuyt skoraði tvívegis í fyrri hálfleik og einu sinni í þeim síðari þegar hann fylgdi eftir aukaspyrnu frá Luis Suarez.
,,Ég verð að þakka Luis Suarez því hann spilaði frábærlega í dag og lagði upp tvö af þessum þremur mörkum. Þetta voru nokkuð auðveld mörk, ég var vanur að skora svona mörg þegar ég spilaði sem framherji í Hollandi."
Liverpool tapaði gegn West Ham um síðustu helgi en liðið lék mun betur í dag.
,,Við sýndum að við getum staðið okkur vel gegn þeim bestu en við verðum líka að standa okkur gegn öðrum liðum."
,,Þetta voru vonbrigði gegn West Ham í síðustu viku en vonandi komumst við aftur á skrið í kjölfarið á sigrinum í dag."
