Steve McClaren, fyrrum landsliðsþjálfari Englands, hefur sett sig í samband við Sunderland vegna stjórastöðunnar þar.
Sunderland rak knattspyrnustjóra sinn, Jack Ross, á þriðjudaginn. Ross hafði stýrt Sunderland í eitt og hálft ár en hann náði ekki að rífa liðið upp úr ensku C-deildinni á síðasta tímabili.
Sunderland rak knattspyrnustjóra sinn, Jack Ross, á þriðjudaginn. Ross hafði stýrt Sunderland í eitt og hálft ár en hann náði ekki að rífa liðið upp úr ensku C-deildinni á síðasta tímabili.
Sunderland er í 6. sæti í ensku C-deildinni.
The Northern Echo fjallar um að McClaren hafi haft samband við Sunderland og lýst yfir áhuga á starfinu.
Það hefur ekki gengið sérstaklega hjá McClaren hvar sem hann hefur þjálfað síðustu ár. Hann var síðast að þjálfa hjá QPR þar sem hann var rekinn í apríl á þessu ári.
McClaren er líklega ekki sá eini sem hefur áhuga á starfinu. Jimmy Floyd Hasselbaink og Kevin Phillips eru sagðir hafa áhuga á starfinu, en efstur hjá veðbönkum er Gareth Ainsworth, þjálfari Wycombe.
Athugasemdir