Íslenska landsliðið tapaði fyrir Sameinuðu arabísku furstadæmunum í vináttuleik í Dubai í dag.
Viðar Örn Kjartansson kom Íslandi yfir snemma leiks en í kjölfarið tóku heimamenn öll völd á vellinum og höfðu að lokum 2-1 sigur.
Ingvar Jónsson var besti maður Íslands í leiknum og er maður leiksins samkvæmt einkunnagjöf Fótbolta.net. Rúnar Már Sigurjónsson og Viðar Örn voru sprækastir af útileikmönnunum og fá sömu einkunn og Ingvar.
Viðar Örn Kjartansson kom Íslandi yfir snemma leiks en í kjölfarið tóku heimamenn öll völd á vellinum og höfðu að lokum 2-1 sigur.
Ingvar Jónsson var besti maður Íslands í leiknum og er maður leiksins samkvæmt einkunnagjöf Fótbolta.net. Rúnar Már Sigurjónsson og Viðar Örn voru sprækastir af útileikmönnunum og fá sömu einkunn og Ingvar.
Ingvar Jónsson - 7
Komst vel frá sínu. Varði nokkrum sinnum vel og átti ekki sök á mörkunum. Bjargaði Íslandi frá stærra tapi.
Andrés Már Jóhannesson - 6
Kraftmikill til að byrja með en dró af honum þegar á leið. Frábær fyrirgjöf þegar Viðar Örn skoraði.
Ragnar Sigurðsson - 5
Kom boltanum ágætlega frá sér en leit stundum illa út varnarlega.
Kári Árnason - 5
Samvinna Kára og Ragnars var ekki jafn góð og við eigum að venjast. Litu illa út í fyrra markinu.
Kristinn Jónsson - 4
Átti að gera betur í hreinsuninni þegar heimamenn skoruðu sigurmarkið. Var í vandræðum varnarlega.
Rúnar Már Sigurjónsson - 7
Var fyrirferðamikill á miðjunni. Duglegur að vinna til baka og sömuleiðis virkur í sóknarleiknum.
Emil Pálsson - 4
Fann sig ekki og var tekinn útaf í hálfleik.
Elías Már Ómarsson - 6
Kom að undirbúningi marksins og hljóp mikið. Átti að gera betur í upplögðu marktækifæri í upphafi síðari hálfleiks.
Arnór Ingvi Traustason - 5
Tókst ekki að fylgja á eftir góðri frammistöðu gegn Finnum. Komst lítið sem ekkert í boltann.
Eiður Smári Guðjohnsen - 6
Virkaði þreyttur eftir að hafa spilað 90 mínútur gegn Finnum á miðvikudag. Var lítið í boltanum en sýndi snilldar tilþrif þegar hann lagði upp dauðafæri fyrir Elías Má.
Viðar Örn Kjartansson - 7
Kominn á blað með landsliðinu og var mjög sprækur í byrjun leiks. Fékk úr litlu að moða eftir markið.
Varamenn
Björn Daníel Sverrisson - 6
Skilaði sínu á miðjunni án þess að vera áberandi eftir að hafa komið inná í hálfleik.
Þórarinn Ingi Valdimarsson - 5
Bætti engu við eftir að hann kom inná og kom boltanum illa frá sér.
Matthías Vilhjálmsson - 5
Náði ekki að fríska upp á sóknarleikinn.
Aðrir spiluðu of lítið.
Athugasemdir