Þrjú lið í Landsbankadeildinni skiptu um þjálfara á miðju tímabili og eitt undir lokin. Skagamenn ráku Ólaf Þórðarson eftir lélegt gengi þegar mótið var hálfnað og tvíburabræðurnir Arnar og Bjarki Gunnlaugssynir tóku við. Skömmu síðar hætti Bjarni Jóhannsson með Breiðablik og eftirmaður hans var Ólafur Helgi Kristjánsson.

Eftir tólf umferðir hætti svo Guðlaugur Baldursson með ÍBV að eigin ósk og Heimir Hallgrímsson tók við. Að lokum hætti Sigurður Jónsson hjá Grindavík fyrir helgi.

Mesti munurinn varð á gengi Skagaliðsins við breytinguna því áður en Arnar og Bjarki tóku við hafði liðið tapað 7 af 9 leikjum en eftir það hefur aðeins einn leikur tapast. Undir þeirra stjórn hefur liðið unnið 4 af 6 sigurleikjum sínum í sumar og gert 3 jafntefli sem hafði ekki gerst áður en þeir tóku við.

Finnst þér líklegt til árangurs að láta þjálfara fara eftir fyrri hluta móts, vegna þess að illa gengur?
Já 30%
Nei 70%

Í maí 2006 lagði Fótbolti.net könnun fyrir alla leikmenn Landsbankadeildarinnar. Svarhlutfallið var mjög gott því 175 leikmenn deildarinnar svöruðu könnuninni. Nú höfum við unnið úr niðurstöðum könnunarinnar og á næstu dögum munum við birta daglega fróðlegar upplýsingar sem þar komu fram. Klukkan 12:00 á hádegi alla daga fram að lokaumferð deildarinnar 23. september mun birtast hér á síðunni nýr moli úr könnuninni.

Sjá einnig:
Landsbankadeild 1/12: Skemmtilegasti og erfiðasti völlurinn
Landsbankadeild 2/12: Flestir töldu Tryggva bestan
Landsbankadeild 3/12: Flestir ætla að spila áfram þó lið þeirra falli
Landsbankadeild 4/12: Flestir leika í adidas skóm
Landsbankadeild 5/12: Flestir ánægðir með landsliðsþjálfarann