„Það virðist vera hálfgerð æfingaleikjastemning yfir hlutunum í mörgum leikjum. Þetta eru margir leikir og það getur verið þreyta og eitthvað svoleiðis," sagði Viðar Guðjónsson í hlaðvarpsþættinum „Enski boltinn" á Fótbolta.net í dag.

„Áhorfendaleysi getur haft áhrif. Þetta drífur menn áfram, sérstaklega heimaliðið. Tempóið fer upp í leikjum þegar það eru áhorfendur. Er eitthvað enskara en það er horn og allir tryllast? Það verðu allt rafmagnaðara. Ég gæti trúað að málið sé að það vanti áhorfendur og þá ákefð í leikjum út frá því."

Manchester United hefur gert fimm markalaus jafntefli í leikjum gegn Chelsea, Arsenal, Liverpool og Manchester City í vetur.

„Mér finnst uppleggið hjá Manchester United vera neikvætt gagnvart þessum stórleikjum. Þeir hafa lagst til baka og farið í skyndisóknir," sagði Jón Júlíus Karlsson. „Mér fannst uppleggið hjá Manchester United í gær vera að þeir ætluðu að byrja á að ná stiginu og sjá svo hvort þeir gætu tekið tvö í viðbót."

Hér að neðan má hlusta á þátt dagsins. Það eru Frumherji, White Fox, Viking gylltur (léttöl) og Domino's sem bjóða upp á þáttinn.