Þar unnu heimamenn í Cardiff City óvæntan sigur á toppbaráttuliði Ipswich eftir gríðarlega mikla dramatík í uppbótartíma. Gestirnir frá Ipswich tóku forystuna á 79. mínútu en Cardiff náði að snúa stöðunni við með tveimur mörkum seint í uppbótartíma.

Þetta var fjórði sigur Cardiff í röð og er liðið fimm stigum frá umspilssæti sem stendur. Ipswich dettur niður í þriðja sæti með þessu tapi og er einu stigi á eftir Leeds og fjórum stigum eftir toppliði Leicester City.

Leicester gerði 2-2 jafntefli í Hull í dag þar sem Fabio Carvalho byrjaði á því að klúðra vítaspyrnu snemma leiks fyrir heimamenn. Carvalho bætti upp fyrir mistökin með því að skora skömmu síðar en Jamie Vardy jafnaði leikinn með marki úr vítaspyrnu.

Heimamenn tóku forystuna á ný í síðari hálfleik en það tók Vardy aðeins tvær mínútur að jafna í þetta skiptið. Lokatölur urðu 2-2 og er Leicester með þriggja stiga forystu á toppi Championship.

Arnór Sigurðsson var í byrjunarliði Blackburn Rovers og lék fyrstu 72 mínúturnar í 1-1 jafntefli gegn Plymouth, en heimamenn í Blackburn kláruðu leikinn manni færri vegna rauðs spjalds. Arnóri var skipt út í stöðunni 1-0.

Japhet Tanganga skoraði þá eina mark leiksins í sigri Millwall gegn Birmingham í fallbaráttunni, á meðan Gabriel Sara setti tvennu í 5-0 sigri Norwich City gegn botnliði Rotherham.

Stuart Armstrong og Adam Armstrong skoruðu að lokum báðir í góðum sigri Southampton gegn Sunderland, þar sem Jobe Bellingham komst á blað fyrir gestina áður en Joe Rothwell kláraði leikinn með tvennu fyrir heimamenn.

Blackburn 1 - 1 Plymouth
1-0 Sammie Szmodics ('7 )
1-1 Morgan Whittaker ('74 )
Rautt spjald: Kyle McFadzean, Blackburn ('54)

Cardiff City 2 - 1 Ipswich Town
0-1 Kieffer Moore ('79 )
1-1 Callum O'Dowda ('95 )
2-1 Ryan Wintle ('100 )

Hull City 2 - 2 Leicester City
0-0 Fabio Carvalho ('7 , Misnotað víti)
1-0 Fabio Carvalho ('16 )
1-1 Jamie Vardy ('31 , víti)
2-1 Anass Zaroury ('60 )
2-2 Jamie Vardy ('62 )

Millwall 1 - 0 Birmingham
1-0 Japhet Tanganga ('90 )

Norwich 5 - 0 Rotherham
1-0 Gabriel Sara ('13 )
2-0 Jakob Lungi Sorensen ('21 )
3-0 Borja Sainz ('32 )
4-0 Josh Sargent ('45 )
5-0 Gabriel Sara ('47 )

Preston NE 1 - 2 Stoke City
0-1 Andrew Hughes ('64 , sjálfsmark)
1-1 Milutin Osmajic ('68 )
1-2 Luke Mcnally ('87 )

QPR 0 - 2 Middlesbrough
0-1 Emmanuel Latte Lath ('64 )
0-2 Marcus Forss ('76 )

Southampton 4 - 2 Sunderland
1-0 Stuart Armstrong ('9 )
2-0 Adam Armstrong ('37 , víti)
2-1 Romaine Mundle ('62 )
2-2 Jobe Bellingham ('71 )
3-2 Joe Rothwell ('77 )
4-2 Joe Rothwell ('80 )

Watford 1 - 2 Coventry
1-0 Ryan Porteous ('20 )
1-1 Haji Wright ('40 , víti)
1-2 Haji Wright ('72 )