Þar gerði Þróttur 1-1 jafntefli við Fram í einum af fyrri leikjum dagsins, þar sem Njörður Þórhallsson tók forystuna fyrir heimamenn snemma leiks í Laugardalnum.

Þróttur hélt forystunni allt þar til um miðbik seinni hálfleiks, þegar Tryggvi Snær Geirsson gerði jöfnunarmark.

Liðin áttust við í síðustu umferð riðilsins og lýkur Þróttur keppni í þriðja sæti, með sjö stig úr fimm leikjum. Fram endar í fimmta sæti, með fimm stig.

Leiknir R. tók þá á móti KA og hélst staðan markalaus fyrstu 82 mínúturnar, eða allt þar til Ásgeir Sigurgeirsson tók forystuna fyrir KA.

Skömmu síðar varð Bjarki Arnaldarson fyrir því óláni að skora sjálfsmark og í kjölfarið fékk Andi Hoti, leikmaður Leiknis, að líta beint rautt spjald.

Ásgeir innsiglaði sigur KA gegn tíu Breiðhyltingum skömmu síðar og urðu lokatölur 0-3 þó að staðan hafi verið markalaus langstærsta hluta leiksins.

KA lýkur keppni í öðru sæti síns riðils með tíu stig eftir fimm umferðir. Akureyringar eru í öðru sæti á markatölu og fá því ekki þátttökurétt í undanúrslitum en ÍA vann riðilinn. KA endar fyrir ofan Íslandsmeistara Víkings R., sem ljúka keppni í þriðja sæti riðilsins þrátt fyrir að vera taplausir.

Leiknir lýkur keppni með fimm stig eftir tapleiki í síðustu tveimur umferðunum.

Þróttur R. 1 - 1 Fram
1-0 Njörður Þórhallsson ('9 )
1-1 Tryggvi Snær Geirsson ('66 )

Leiknir R. 0 - 3 KA
0-1 Ásgeir Sigurgeirsson ('82 )
0-2 Bjarki Arnaldarson ('84 , Sjálfsmark)
0-3 Ásgeir Sigurgeirsson ('89 )
Rautt spjald: Andi Hoti , Leiknir R. ('85)