Otto Addo.
Otto Addo er að taka við sem nýr landsliðsþjálfari Gana en hann mun taka við starfinu af Chris Hughton sem var rekinn eftir Afríkumótið í janúar síðastliðnum.
Hinn 48 ára gamli Addo mun hætta hjá þýska úrvalsdeildarfélaginu Borussia Dortmund eftir tímabilið en þar hefur hann starfað í akademíu félagsins.
Addo starfaði í stutta stund sem landsliðsþjálfari Gana árið 2022 og stýrði liðinu á HM í Katar en tekur núna alfarið við liðinu á löngum samningi.
„Það eru mikil forréttindi sem fylgja því að fá að taka við landsliðinu mínu," segir Addo.
Addo spilaði allan sinn leikmannaferil í Þýskalandi en hann spilaði 15 A-landsleiki fyrir Gana. Hann hefur þjálfað hjá Dortmund frá 2020 en fer núna í nýtt verkefni.
Athugasemdir
