Mögulega var hann að spila sinn síðasta leik fyrir félagið.

„Þetta gæti verið síðasti leikur Pogba í Manchester United búningi, ef hann verður frá vegna þessara meiðsla í nokkrar vikur," sagði Gary Neville í lýsingu Sky Sports.

Pogba er að verða samningslaus og eru miklar líkur á því að hann sé á förum. Hann hefur virkað mjög áhugalaus í leikjum United upp á síðkastið.

Ákveðinn hópur af stuðningsfólki Man Utd er orðið mjög þreytt á honum. Það var baulað á hann þegar hann fór af velli gegn Norwich um síðustu helgi og gerðist það aftur í kvöld. Sumir stuðningsmenn Man Utd notuðu miðfingurinn til að lýsa yfir óánægju með hann á Anfield.

Pogba var keyptur til Man Utd fyrir stóra upphæð frá Juventus fyrir sex árum, en það er óhætt að segja að hann hafi ekki staðist væntingar - langt því frá. Hann og umboðsmaður hans hafa oft talað um að yfirgefa félagið og núna er það loksins að verða að veruleika.