Guðmundur Kristjánsson fyrirliði Stjörnunnar bauð upp á óvenjulega samsetningu á búningasetti í leiknum gegn Breiðabliki í Bestu-deild karla í gærkvöldi.
Lestu um leikinn: Breiðablik 2 - 1 Stjarnan
Guðmundur hóf leikinn í búningasetti númer 5 eins og venjan er en þegar komið var inn í seinni hálfleikinn hafði staðan breyst verulega.
Hann var þá kominn í treyju númer 13 með nafni varamarkmannsins Mathias Rosenörn á bakinu og í stuttbuxum númer 10 af Hilmari Árna Halldórssyni sem var meiddur.
Það gekk á ýmsu í veðrinu á meðan leiknum stóð og á tímabili gerði hellidembu. Líklegt verður að teljast að Guðmundur hafi valið að skipta um sett á meðan hann hlýddi á hálfleiksræðu þjálfarans.
Þetta var reyndar ekki eina búningavesenið í gær en Viktor Örn Margeirsson mætti inn í seinni hálfleikinn í ónúmeraðri treyju. Hér meðfylgjandi eru nokkrar myndir.
Athugasemdir