Axel Witsel er búinn að framlengja samning sinn við Atlético Madrid um eitt ár.
Witsel, sem er 35 ára gamall, sinnti lykilhlutverki í liði Atlético á nýliðinni leiktíð, þar sem hann spilaði vel yfir 4000 mínútur í hjarta varnarinnar.
Witsel tók þátt í 51 leik á tímabilinu og var valinn í belgíska landsliðshópinn sem fer á EM í sumar.
Witsel, sem er miðjumaður að upplagi, hefur staðið sig frábærlega í fimm manna varnarlínu Atlético frá komu sinni til félagsins.
Belginn leikreyndi lék fyrir Borussia Dortmund áður en hann skipti til Atlético, en hann hefur einnig spilað fyrir Anderlecht, Benfica og Zenit á ferlinum - auk þess að eiga 132 landsleiki að baki.
How excited are you with his contract extension? ???? pic.twitter.com/WIwnqlXJ3H
— Atlético de Madrid (@atletienglish) June 13, 2024
Athugasemdir