Brasilíski varnarmaðurinn Gabriel Paulista, sem lék með Arsenal í ensku úrvalsdeildinni frá 2015 til 2017, er genginn til liðs við tyrkneska stórveldið Besiktas.
Besiktas dróst afturúr í toppbaráttunni í Tyrklandi eftir að Fenerbahce og Galatasaray kræktu sér í ýmsar stórstjörnur í fyrra og einokuðu titilbaráttuna á nýliðinni leiktíð.
Félagið ákvað því að ráða Giovanni van Bronckhorst í þjálfarastöðuna hjá sér á dögunum og núna er kominn tími til að styrkja leikmannahópinn.
Gabriel er fyrsti leikmaðurinn sem Besiktas klófestir í sumar, en síðustu kaup félagsins þar á undan voru Mohamed Al-Musrati sem kom frá portúgalska félaginu Braga í febrúar.
Gabriel er 33 ára gamall og kemur til Besiktas á frjálsri sölu frá Atlético Madrid. Hann hefur einnig spilað fyrir Vitória í Brasilíu og Villarreal og Valencia á Spáni á flottum ferli.
Hjá Besiktas mun Gabriel meðal annars spila með Alex Oxlade-Chamberlain, Cenk Tosun, Ante Rebic, Gedson Fernandes, Milot Rashica, Daniel Amartey og Arthur Masuaku.
Gabriel Paulista’n?n Transferi ?çin Görü?melere Ba?land?
— Be?ikta? JK (@Besiktas) June 15, 2024
???? https://t.co/RxshndKpmU pic.twitter.com/GtbxGcZRhW
Athugasemdir