Haukar og Fjölnir áttust við í toppslag í riðlakeppni C-deildar kvenna í Lengjubikarnum í dag og úr varð skemmtileg viðureign.

Halla Þórdís Svansdóttir gerði gæfumuninn með tvennu í fyrri hálfleik til að gefa Haukum góða forystu.

María Sól Magnúsdóttir minnkaði muninn fyrir Fjölni í tvígang en í bæði skiptin tókst Haukum að skora næsta mark og urðu lokatölur því 4-2.

Haukar enda á toppi riðilsins með 10 stig á meðan Fjölnir á eftir að spila úrslitaleik við KH um annað sætið.