Stuðningsmenn Atletico Madrid létu Antoine Griezmann, leikmann Barcelona, heyra það þegar hann sneri aftur á sinn gamla heimavöll í
gærkvöldi.
Barcelona keypti Griezmann í sumar en stuðningsmenn Atletico Madrid líta svo á að Frakkinn hafi svikið félagið með því að fara til Börsunga.
gærkvöldi.
Barcelona keypti Griezmann í sumar en stuðningsmenn Atletico Madrid líta svo á að Frakkinn hafi svikið félagið með því að fara til Börsunga.
Þegar Griezmann hitaði upp fyrir leikinn í gær sungu stuðningsmenn Atletico: „Griezmann, þú mátt deyja."
Baulað var á Griezmann þegar nafn hans var lesið upp í hátalarakerfinu fyrir leik sem og þegar hann snerti boltann í fyrsta skipti í leiknum.
„Þú vildir búa þér til nafn en þú gleymdir að vera maður," sagði á stórum borða í stúkunni á Wanda Metropolitano leikvanginum.
Griezmann og félagar í Barcelona fóru með sigur af hólmi en Lionel Messi skoraði sigurmarkið í lokin.
Athugasemdir