Að þessu sinni kíkjum við á stemninguna hjá KFG en Lárus Guðmundsson þjálfari liðsins svaraði nokkrum spurningum.

Hvernig er stemningin hjá KFG þessa dagana?
Hún er ágæt, margir sem æfa og prýðileg stemmning.

Ertu sáttur við byrjun ykkar í sumar?
2 töp og 1 sigur. Nei ekki sáttur við það, því að við höfum verið að gefa frá okkur stig í leikjum,fengið á okkur allt of ódýr mörk og síðan ekki nýtt færin sem skildi. En það er nú eimmitt það sem fótbolti snýst um, verjast vel og skora svo rándýr mörk.

Er liðið mikið breytt frá því í fyrra?
Það sem er aðal breytingin er að við hófum æfingar miklu fyrr og erum í betra líkamlegu standi. Höfum að auki náð að breikka leikmannahópinn með nokkrum sterkum leikmönnum.

Er liðið í miklu samstarfi við Stjörnuna?
Við höfum alla þá aðstöðu sem Stjarnan býr við til æfinga og keppni, að auki höfum við fengið leikmenn úr þeirra æfingahóp til okkar, og svo hafa þeir sótt einn mann frá okkur. En vöruskiptin hafa þó verið okkur eilítið hagstæðari. Svo má ekki gleyma því að leikmenn KFG mynda gríðarlega öflugan stuðningshóp Stjörnunnar á leikjum. Full öflugan fyrir smekk sumra.

Hver er helsti styrkleiki ykkar?
Við spilum á góðum degi besta fótboltann í 3. deildinni, en kannski ekki þann árangurríkasta, þó það standi til mikilla bóta.

Hver eru markmið ykkar fyrir sumarið?
Við stefnum á að komast í úrslitakeppni 3. Deildar.

Hvaða lið telur þú að sé sigurstranglegast í 3.deildinni í sumar?
Þetta er jöfn deild og nokkur lið koma til greina, Árborg , Borganes, Völsungur, Álftanes svo einhver séu nefnd. En þetta er afar jöfn deild og erfitt að spá um framgang mála.

Eitthvað að lokum?
Já, KFG vonar að kreppan fari að líða undir lok, svo að stuðningsaðilar losi um pyngjuna. Því við þurfum auðvitað fjárfestingafé til að ná markmiði okkar um efstu deild innan 5 ára.

1.deild:
Fjarðabyggð (10.júní)
ÍR (29.maí)
KA (15.maí)
Leiknir R. (29.maí)
Víkingur Ólafsvík (26.mars)
Þór (15.maí)

2.deild:
BÍ/Bolungarvík (29.apríl)
Hamar (21.apríl)
ÍH/HV (17.apríl)
Reynir Sandgerði (3.apríl)
Víðir Garði (21.maí)

3.deild:
Árborg (14.maí)
Berserkir (1.maí)
Draupnir (25.mars)
Einherji (16.apríl)
Huginn (29.maí)
KFK (20.maí)
KFR (31.mars)
KFS (30.apríl)
Léttir (8.maí)