ÍR og Leiknir mætast í grannaslag í Breiðholtinu í fyrstu deild karla í kvöld og því er tilvalið að skoða stemninguna hjá þessum liðum í dag.

Guðlaugur Baldursson þjálfari ÍR svaraði nokkrum spurningumþ

---

Hvernig er stemningin hjá ÍR þessa dagana?
Hún er fín þakka þér fyrir. Góður andi í hópnum allir spenntir fyrir því að takast á við verkefni sumarsins.

Ertu ánægður með byrjun liðsins í sumar?
Ekkert sérstaklega. Mér fannst, í fyrstu tveimur leikjum mótsins, við ekki alveg gera okkur grein fyrir þeim styrkleika sem liðin í þessari deild búa yfir og var að þeim sökum refsað grimmilega. En í leiknum á móti Þór var ég ánægður með marga hluti og við munum reyna að byggja ofan á það.

Er liðið mikið breytt frá því í fyrra?
Nei það eru ekki miklar mannabreytingar milli ára hjá okkur. Við misstum reynda markamaskínuna okkar hann Elías Inga yfir í Eyjuna fögru en fengum Eyþór Guðnason og Sigurður Heiðar er kominn aftur eftir árs útlegð.

Hvernig er stemningin fyrir grannaslagnum í kvöld?
Stemningin er góð og allir spenntir fyrir því að glíma við okkar góðu granna. Vonandi fjölmenna stuðningsmenn liðanna (og þá sérstaklega okkar) og búa til skemmtilega umgjörð og sjá flottan fótboltaleik.

Er rígurinn á milli þessara lið meiri eða minni nú en áður?
Ég treysti mér ekki til þessa að segja til um það. Mér heyrist bara vera heilbrigður rígur milli einstaklinga í félögunum – sem vilja sigur hjá sínu félagi og ekkert annað --- og sleppa þannig við háðsglósur næstu daga.

Ykkur er spáð 8.sæti í deildinni. Telur þú að það sé raunhæf spá?
Að þessari spá koma aðilar sem gjörþekkja liðin og deildina þannig að eitthvað hlýtur að vera að marka hana.

Hver er helsti styrkleiki ykkar?
Að vera að spila á sama leikmannakjarna og undanfarin 1-2 ár ásamt því fleiri ungir leikmenn eru að koma úr yngri flokka starfinu og eru farnir að banka á dyrnar að krafti.

Hver eru markmið ykkar fyrir sumarið?
Að tryggja okkur gott sæti í 1. deild.

Hvað finnst þér hafa komið mest á óvart í upphafi 1.deildarinnar?
Gengi Skagamanna hefur komið mér mest á óvart en ég hef þó fulla trú á að þeir muni jafna sig fljótt og koma sterkir til baka.

Hvaða lið telur þú að sé sigurstranglegast í 1. deildinni í sumar?
Ég tel miklar líkur á því að HK fari beint upp í úrvalsdeild á nýjan leik en síðan eru margir „kandídatar“ sem munu berjast um að fá að sitja í með þeim þangað eins og t.d. Selfoss og KA en ég held að menn ættu heldur ekki að gleyma ÍA og Víking R þrátt fyrir erfiða byrjun.

Eitthvað að lokum?
Ég skora á alla að mæta á ÍR-völlinn í kvöld.
Líf og fjör, gaman saman.
Áfram ÍR

Eldra úr liðnum "Hvað er að frétta?"

1.deild:
ÍR (29.maí)
KA (15.maí)
Leiknir R. (29.maí)
Víkingur Ólafsvík (26.mars)
Þór (15.maí)

2.deild:
BÍ/Bolungarvík (29.apríl)
Hamar (21.apríl)
ÍH/HV (17.apríl)
Reynir Sandgerði (3.apríl)

3.deild:
Árborg (14.maí)
Berserkir (1.maí)
Draupnir (25.mars)
Einherji (16.apríl)
KFK (20.maí)
KFR (31.mars)
KFS (30.apríl)
Léttir (8.maí)