Enska landsliðið verður án Harry Kane þegar liðið mætir brasilíska landsliðinu í æfingaleik á Wembley á morgun.
Kane meiddist í leik Bayern Munchen gegn Darmstadt á dögunum þar sem hann skoraði og lagði upp í 5-2 sigri.
Gareth Southgate þjálfari enska landsliðsins greindi einnig frá því að Cole Palmer og Jordan Henderson verði fjarverandi á morgun.
„Það verður enginn Harry Kane, Jordan Henderson eða Cole Palmer á morgun. Ég myndi segja að Palmer og Henderson eigi meiri möguleika að spila gegn Belgíu en Kane. Mjög tæpt að hann verði klár," sagði Southgate.
Liðið mætir Belgíu einnig á Wembley í æfingaleik á þriðjudaginn.
Athugasemdir
