Chiesa í skiptum fyrir Greenwood? - David til Chelsea - Buðu Palace að fá Olise aftur á láni - Slot skoðar Minteh - Varane til Miami
   þri 24. apríl 2012 12:20
Björn Daníel Sverrisson, Brynjar Ásgeir Guðmundsson og Viktor Örn Guðmundsson
Pistill: Pistlar á Fótbolta.net eru viðhorf höfundar og þurfa ekki endilega að endurspegla viðhorf vefsins eða ritstjórnar hans.
Hotel Montechoro, einu sinni smakkað þú getur ekki hætt
Björn Daníel Sverrisson, Brynjar Ásgeir Guðmundsson og Viktor Örn Guðmundsson
Björn Daníel Sverrisson, Brynjar Ásgeir Guðmundsson og Viktor Örn Guðmundsson
Schweine kíkti í heimsókn til Robba markmanns.
Schweine kíkti í heimsókn til Robba markmanns.
Mynd: Úr einkasafni
Albert, what a man!
Albert, what a man!
Mynd: Úr einkasafni
Menn að nýta ströndina síðasta daginn.
Menn að nýta ströndina síðasta daginn.
Mynd: Úr einkasafni
Undirritaðir voru beðnir um að grýta í einn stuttan pistil um Portúgalsferð FH-inga. Þetta var geggjuð ferð, gjörsamlega geggjuð. Lagt var af stað mánudagsmorgun, allir í drullunettum gír. Eftir kómiskt ferðalag vorum við komnir um 2 leytið og tókum við létta æfingu kl 4, sumir æfðu aðrir ekki. Það vakti mikla lukku meðal leikmanna að allir áttu að taka með sér rúlludjöful og rúlla sér fyrir æfingar, skemmtileg tilbreyting en yfirhöfuð bara drullunett. En það sem vakti mestu lukku leikmanna, sérsaklega Guðmanns og Alberts var það sem blasti við okkur við komu á Kaplakrikann á mánudagsmorguninn, heil rúta af þokkadísum…nammi namm.

Fyrsti dagurinn leið og menn náðu úr sér flugþreytunni og voru klárir hálf 8 í morgunmat daginn eftir. Ingimar og Viktor Segatta voru með manneskju í vinnu við að vekja sig en hún SKEIT, svo þeir hlupu á æfinguna og launuðu hvor öðrum lambið gráa.

Næsta æfingardag voru Heimir og Laugi ákveðnir í því að flugþreytan væri farinn úr mönnum því var lengsta æfing í sögu FH haldin hátíðleg með tilheyrandi fyrirgjöfum, boltaæfingum og stuttu spili þar sem Róló meiddist lítilega en lét eins og jarmakjálki hafi bitið hann í hnéið.

Seinni æfingin var í rólegu nótunum þar sem KING Heimir fór á kostum í reit og var alltaf mættur. Enda er hann í landsliðinu í reitarbolta eins og glöggir menn sem skoða Fótbolti.net hafa tekið eftir. Bara drullunett.

Eftir fyrstu tvo æfingadagana var farið í ýmsa hluti sem þurfti að fínpússa. varnamenn voru með hreint lak og þeir héldu uppá það um kvöldið þar sem Freyr Bjarna fór á kostum sem meistari dúndór, splæsti í einn el grande á alla varnarmenn.

Spilað var æfingaleik á móti Þórsurum á æfingasvæði Hotel Montechoro. Leikurinn endaði 2-0 fyrir FH þar Brúni Páls og Atli Vöðvar skoruðu mörkin. Ótrúlegt en satt náðum við að vera 11 inná allan tímann þrátt fyrir að Suðmann hafi ætlað að mölva andlitið á einhverjum gæja þarna í Þór á tímapunkti. Annars bara drullunettur sigur.

Á laugardeginum var svo spilað ungir vs gamlir og engin breyting var á úrslitum þar. Ungir sigruðu með yfirburðum 4-1, virtist vera eitthvað þungt í þeim pundið þeim eldri. Meðalaldruinn hækkar með hverju eftir því sem BG13 og Freyr Bjournalist halda áfram í boltanum.

Um kvöldið var síðan haldin dúndorveisla á Piri Piri kjúklingastaðnum. Menn voru að tala um að þessi staður verði aldrei þreyttur, sel það ekki dýrara en ég keypti það. Allir voru hinsvegar í jákvæðu ástandi og ef menn hefðu fengið að blása þá held ég að flestir hefðu nú mátt keyra á Karókí-barinn eftir matinn. Á Karókí-barnum byrjaði síðan fjörið þar sem nýliðar sungu lög eftir fræga artista. Þetta var líklega einhver besta karókíkeppni sem meistaraflokkur FH hefur boðið uppá í Portúgal frá upphafi því frammistöðurnar voru ótrúlegar. Dómnefndin úrskurðaði hinsvegar Viktor Smára sem loser þetta árið og refsingin var að hann þurfti að vera í þveng til kl 2.30 á öllum þeim skemmtistöðum sem við fórum á. Kom fæstum á óvart að Haffi Latte hafi fundið uppá þessari refsingu. Kvöldið var bara drullunett ef á að sömma þetta í eitt orð.

Daginn eftir var svo æfing þar sem menn voru aðeins látnir hlaupa. Sumir áttu í erfiðleikum með að taka á móti boltanum aðrir föttuðu ekki hvort þeir væru í gula eða appelsínugula liðinu. Menn grenjuðu alveg úr hlátri yfir sumum. Kómisk moment á þessari æfingu.

Síðasta daginn notuðu menn til þess að fara á ströndina. Ná sér í tan þar sem var búið að vera skýjað alla ferðina. Albert gleymdi hinsvegar sólarvörninni þennan dag og er búinn að vera brunninn á öxlunum síðan við komum heim. Brynjar gleymdi hinsvegar stuttbuxum þegar við fórum á ströndina en hver segir að það megi ekki leyfa "Meistara Dúndor" eins og hann kallar hann að anda aðeins þannig að hann sleppti bara öllu saman og sýndi fólkinu draslið.

Það voru allir staðráðnir í því að gera vel við sig í mat og drykk og staðir eins og Costa Rica, Senior Frogs og Lisa's Pizza eru búnir að vera vinsælir hjá mönnum sem eru kaþólskari en páfinn.

Annars var þetta bara drullunett ferð í alla staði og þrátt fyrir efasemdaraddir manna um að fara á Montechoro í 14.skiptið þá held ég að allir hafi skemmt sér frábærlega.
- BD10, Bryngeir og Gullfótur Guðmundssynir
Athugasemdir
banner
banner
banner