Amorim gæti stigið frá borði ef slæmt gengi Man Utd heldur áfram - Bayern ætlar ekki að bjóða Sane hærri samning
John Andrews: Stundum þegar þú ert að spila hræddur þrýstir þér það upp á næsta stig
Óli Kristjáns: Bara feikilega ánægður
Álfa: Við viljum bara komast í úrslit
Eva Stefánsdóttir: Gríðarlega flott FH lið
Natasha: Sögðu bara að við ættum að rífa okkur í gang
Óskar með hausverk fyrir næsta leik: Sagði bara 'af hverju?'
Bryndís Rut: Extra sætt að hefna fyrir tapið í deildinni
Ída Marín: Uppáhalds skotið mitt er að vippa, geri það mikið í bandaríkjunum.
Jóhannes Karl: Þessar breytingar voru allar ósköp eðlilegar
Ali líður vel í Víkinni: Vona að ég get gefið til baka
Heimir fann lausn: Ekki gefa boltann á slæmum stöðum
Sölvi um mörkin: Þetta var góð pressa
Fékk svarið sem hann vildi fá - „Menn setjist á bekkinn og hugsi sinn gang"
Upplifði ógnvekjandi tíma í vetur - „Mjög þakklátur miðað við hvar maður var"
Æsingur eftir leik - „Illa að okkur vegið að saka okkur um að tefja"
Grímsi ósáttur að hafa verið bekkjaður - „Fáránlegt"
Ívar Ingimars: Frábært að fá þessa reynslu og máta sig við topplið í Bestu
Systurnar skoruðu báðar: Hún lætur mann stundum heyra það
Óskar Hrafn: Þegar tveir strengir slitna tekur tíma að ná aftur takti við hljómsveitina
Rúnar vildi fá víti: Dómarinn á að sjá þetta betur en ég
   lau 26. nóvember 2022 11:04
Sæbjörn Þór Þórbergsson Steinke
Hefði verið mjög erfitt að hafna Betu - „Langar að vinna sænsku deildina"
Kvenaboltinn
Hlín á landsliðsæfingu í haust.
Hlín á landsliðsæfingu í haust.
Mynd: Fótbolti.net - Hafliði Breiðfjörð
Hlín er 22 ára gömul og spilar oftast á hægri kantinum. Hún getur þó einnig spilað fremst sem og úti vinstra megin.
Hlín er 22 ára gömul og spilar oftast á hægri kantinum. Hún getur þó einnig spilað fremst sem og úti vinstra megin.
Mynd: Fótbolti.net - Hafliði Breiðfjörð
Sannfærð eftir fund með Betu.
Sannfærð eftir fund með Betu.
Mynd: Fótbolti.net - Hafliði Breiðfjörð
Hlín Eiríksdóttir gekk á dögunum í raðir Kristianstad eftir tvö ár hjá Piteå, liðin leika bæði í Svíþjóð en Kristianstad en Kristianstad hefur vegnað talsvert betur undanfarin ár.

„Félagið hafði samband og lét mig vita að það hefði áhuga. Þau voru búin að fylgjast með mér, ég var í sömu deild og ég átti fundi með þjálfaranum og yfirmanni íþróttamála og varð sannfærð," sagði Hlín við Fótbolta.net í gær.

„Mér fannst erfið ákvörðun að fara úr Piteå og það er alltaf erfitt að segja nei við einhverja aðra. En mér fannst ekki beint erfitt að velja að fara í Kristianstad. Það hefði verið mjög, mjög erfitt að segja nei."

Elísabet Gunnarsdóttir er þjálfara Kristianstad. Var hún mjög sannfærandi í þessum viðræðum?

„Já, ég held að flestir sem hafa einhvern tímann talað við hana geta verið sammála um að hún sé sannfærandi týpa. Hún var mjög sannfærandi. Ég fylgdist með Krisianstad á liðnu tímabili og mér finnst mjög áhugavert og spennandi hvernig þær spila. Ég held að það henti mér."

„Hún er ein af stærstu ástæðunum en leikmannahópurinn líka. Til dæmis framherjarnir sem þær eru með, ég hlakka mjög mikið til að spila með þeim. Mér finnst leikmannahópurinn sterkur eins og hann er og líklegur til að ná árangri."

„Mig langar að vinna sænsku deildina, mér finnst það vera raunhæft markmið og svo vil ég bæta mig sem leikmaður eins mikið og ég get."


Þurfti Hlín að velja Kristianstad fram yfir önnur félög?

„Það voru nokkur lið á Norðurlöndunum sem höfðu samband og það kom upp eitthvað smá frá Evrópu. En ég skoðaði það ekkert þannig lagað. Mér finnst henta mér að vera í sænsku deildinni áfram, finnst sú deild hæfilega krefjandi fyrir mig akkúrat núna."

Í viðtalinu er vel farið yfir nýliðið tímabil með Piteå þar sem Hlín skoraði ellefu mörk í 26 leikjum. Hægt er að sjá viðtalið í heild sinni í spilaranum hér að ofan.

Lítur Hlín á skrefið að fara í Kristianstad sem klárt skref upp á við á sínum ferli?

„Já, ég geri það. Þetta er ný áskorun og ég held að ný áskorun sé alltaf skref upp á við ef maður vinnur rétt úr því. Þetta er betra lið en Piteå akkúrat núna, staðan í deildinni sýnir það. En þetta er ekki þannig að ég sé að fara valta yfir Piteå næsta sumar, sænska deildin er mjög jöfn og allir geta unnið alla."

Eru einhverjir aðilar sem hjálpa henni við að taka ákvörðun eins og þessa að fara í Kristianstad?

„Þetta er mín ákvörðun fyrst og fremst, en það er alls konar fólk sem ég þekki sem hjálpar mér; fjölskylda, umboðsmaður og einhverjir sem hafa þjálfað mig. Svo hjálpar mest að tala við þjálfarana í liðunum sem maður er að velja á milli."

Hvert er draumamarkmiðið á ferlinum?

„Markmiðið akkúrat núna er að í Kristianstad og ná betri árangri en ég hef náð hingað til í sænsku deildinni. Markmiðið er að vinna sænsku deildina á einhverjum tímapunkti og helst sem fyrst. Eftir það þá getur vel verið að ég myndi skoða eitthvað annað þegar mér líður eins og ég sé tilbúin í það. Auðvitað langar mig að spila í Meistaradeildinni á háu 'leveli' einhvern tímann," sagði Hlín.

Í lok viðtals var Hlín svo spurð út í landsliðið sem hún var ekki hluti af fyrri hluta árs.
Athugasemdir
banner