Lærisveinar Thomas Tuchel voru harðlega gagnrýndir eftir 2-2 jafntefli á útivelli gegn Freiburg í síðustu umferð og svöruðu því með risasigri á heimavelli gegn Mainz í dag.

Harry Kane skoraði tvennu í fyrri hálfleik á meðan Leon Goretzka skoraði og lagði upp. Nadiem Amiri gerði eina mark gestanna frá Mainz og var staðan 3-1 í leikhlé.

Flóðgáttirnar opnuðust enn frekar í síðari hálfleik, þegar Thomas Müller og Jamal Musiala bættu mörkum við leikinn. Musiala var þá kominn með mark og tvær stoðsendingar, eftir að hafa sjálfur fengið stoðsendingu frá Kane til að skora.

Goretzka átti eftir að leggja annað mark upp og skora eitt til viðbótar og þá fullkomnaði Kane þrennuna sína, en lokatölur urðu 8-1 fyrir Bayern.

Bæjarar eru sjö stigum á eftir toppliði Leverkusen sem er taplaust og er með leik til góða, gegn Wolfsburg annað kvöld.

Borussia Mönchengladbach og Köln gerðu þá jafntefli í sex marka nágrannaslag á meðan Augsburg lagði Heidenheim að velli.

RB Leipzig vann gegn fallbaráttuliði Darmstadt og vippaði sér upp í meistaradeildarsæti. Dortmund getur endurheimt fjórða sætið með sigri á útivelli gegn Werder Bremen, í síðasta leik dagsins sem er í gangi þessa stundina.

Bayern 8 - 1 Mainz
1-0 Harry Kane ('13 )
2-0 Leon Goretzka ('19 )
2-1 Nadiem Amiri ('31 )
3-1 Harry Kane ('45 )
4-1 Thomas Muller ('47 )
5-1 Jamal Musiala ('61 )
6-1 Serge Gnabry ('66 )
7-1 Harry Kane ('70 )
8-1 Leon Goretzka ('90 )

RB Leipzig 2 - 0 Darmstadt
0-1 Thomas Isherwood ('3 , sjálfsmark)
1-1 Christoph Baumgartner ('50 )

Borussia M. 3 - 3 Koln
0-1 Faride Alidou ('7 )
1-1 Franck Honorat ('32 )
1-2 Faride Alidou ('64 )
2-2 Robin Hack ('71 )
3-2 Robin Hack ('73 )
3-3 Damion Downs ('79 )

Augsburg 1 - 0 Heidenheim
1-0 Jeffrey Gouweleeuw ('22 )