„Þetta tilboð frá Blikum, Svíamegin heyrir maður að það hafi komið tilboð en Blikamegin er sagt að það hafi bara verið viðræður um möguleikann á að fá hann fyrir um 10 milljónir. Svo kom svar frá Valgeiri að hann ætlar sér að vera besti leikmaður liðsins í sumar," sagði Hjörvar Hafliðason í þættinum.

Valgeir er 21 árs og getur bæði spilað sem bakvörður, vængmaður og á miðjunni.

Fleiri tíðindi eru af Breiðabliki því Alex Freyr Elísson er á förum frá félaginu. Hann er á leið til Fram frá Breiðabliki og greindi 433.is fyrst frá því í dag. Alex kom til Breiðabliks frá Fram eftir tímabilið 2022.

Samkvæmt heimildum Fótbolta.net mun Alex skrifa undir samning hjá Fram á morgun.

Höskuldur Gunnlaugsson, fyrirliði Breiðabliks, er aðal hægri bakvörður liðsins.