Sergio Conceicao
Sergio Conceicao, þjálfari Porto, sakar Mikel Arteta um að hafa móðgað fjölskyldu sína með orðum sínum í leik Arsenal og Porto á Emirates í gær.
Portúgalinn var allt annað en sáttur með framferði Arteta í leiknum og heldur hann því fram að Arteta hafi sagt niðrandi hluti um fjölskylumeðlim.
„Arteta snéri sér að bekknum í miðjum leik og móðgaði fjölskyldu mína á spænsku. Ég sagði honum að manneskjan sem hann væri að móðga væri ekki lengur á meðal okkar,“ sagði Conceicao.
„Leyfum honum að hafa áhyggjur af því hvernig á að þjálfa liðið, sem hefur næg gæði til að spila mun betur.“ sagði hann ennfremur.
Mikel Arteta og Arsenal hafa neitað fyrir þetta en þetta er ekki í fyrsta sinn sem Conceicao tekur orðum kollega sinna persónulega.
Conceicao hefur áður sakað Pep Guardiola og Thomas Tuchel um að hafa móðgað sig í leikjum í Meistaradeildinni. Guardiola átti að hafa tala illa um Portúgal en ummæli Tuchel eru óljós.
— i am not @dacodac “French Gøøner” (@dacodacC7) March 12, 2024
Athugasemdir
