Bologna er komið beint aftur á sigurbraut í ítalska boltanum eftir að liðið tapaði gegn toppliði Inter í síðustu umferð.

Bologna heimsótti Empoli í eina leik kvöldsins í Serie A deildinni og var staðan markalaus í leikhlé þrátt fyrir yfirburði gestanna.

Bologna var áfram sterkari aðilinn í síðari hálfleik en tókst ekki að nýta færin sín og hélst staðan markalaus allt þar til í uppbótartíma.

Þar var komið að Giovanni Fabbian, sem hafði komið inn af bekknum á 79. mínútu, að pota inn sigurmarki á 94. mínútu.

Fabbian gerði sigurmarkið dýrmæta og er Bologna búið að styrkja stöðu sína í 4. sæti ítölsku deildarinnar, þar sem liðið reynir sitt besta til að halda í meistaradeildarsæti fyrir næstu leiktíð.