Völsungur og ÍH áttust við í C-deild Lengjubikars kvenna í dag og úr varð spennandi slagur þar sem liðin skiptust á að taka forystuna í fyrri hálfleik.

ÍH tók forystuna snemma leiks en Húsvíkingar sneru stöðunni við og leiddu 2-1 allt þar til undir lok fyrri hálfleiks, þegar Hera Dís Atladóttir jafnaði metin.

Nína Hildur Magnúsdóttir og Eva Marín Sæþórsdóttir skoruðu í síðari hálfleik til að tryggja sigur fyrir ÍH, sem er með sex stig eftir þrjár umferðir.

Völsungur er með þrjú stig eftir tvær umferðir og á eftir að spila við Augnablik og KR.

Einherji og Augnablik áttust einnig við í dag en úrslit úr þeirri viðureign hafa ekki borist.