Stuttgart er að gera frábæra hluti í þýsku toppbaráttunni og rúllaði yfir evrópubaráttulið Hoffenheim í dag. Það virtist aðeins vera eitt lið á vellinum og hefðu gestirnir frá Stuttgart getað unnið stærra.

Deniz Undav lagði upp fyrstu tvö mörk leiksins sem Enzo Millot og Serhou Guirassy skoruðu, en Undav er hjá Stuttgart að láni frá Brighton.

Jamie Leweling kom inn af bekknum fyrir Undav á 65. mínútu og var búinn að innsigla sigur gestanna þremur mínútum síðar. Lokatölur 0-3 og er Stuttgart í frábærri stöðu í þriðja sæti Bundesliga - fjórum stigum á eftir FC Bayern sem situr í öðru sæti.