Ivan Toney er gríðarlega eftirsóttur leikmaður og eru miklar líkur taldar á því að hann verði seldur frá Brentford í sumar.
Toney er öflugur framherji sem missti af fyrri hluta tímabilsins vegna leikbanns en kom öflugur aftur inn í byrjunarliðið hjá Brentford í janúar.
Toney skoraði fjögur mörk í fimm fyrstu leikjunum sínum eftir meiðslin en hefur núna mistekist að skora í síðustu fimm leikjum í röð. Hann er þó spenntur fyrir framtíðinni, sem hann veit ekki hvað ber í skauti sér, en draumurinn er að vinna EM með enska landsliðinu og flytja svo til Madrídar.
„Draumurinn væri að vinna alla leikina sem við eigum eftir á tímabilinu og skora 20 mörk í leiðinni. Það eru 9 leikir eftir af tímabilinu þannig við myndum líka halda hreinu 9 sinnum," sagði Toney, og hélt svo áfram að lýsa útópíunni sinni.
„Í sumar myndi ég fara á EM með Englandi og vinna mótið. Eftir það getur Brentford selt mig fyrir væna summu og ég mæti kátur í undirbúningstímabilið í Madríd."
Athugasemdir