Enski úrvalsdeildardómarinn Anthony Taylor dæmir Ísrael - Ísland annað kvöld í Búdapest. Sigurliðið í leiknum mætir Úkraínu eða Bosníu í úrslitaleik um sæti á EM.
Enskir dómarar sjá alfarið um dómgæslu leiksins. Chris Kavanagh verður fjórði dómari og Stuart Attwell sér um VAR dómgæsluna.
Taylor dæmdi úrslitaleik Roma og Sevilla í Evrópudeildinni á síðasta tímabili en sá leikur fór einmitt fram í Búdapest. Taylor varð fyrir aðkasti frá stuðningsmönnum Roma á flugvellinum eftir leik. Einnig fékk hann að heyra það frá Jose Mourinho, þáverandi stjóri Roma.
Enskir dómarar sjá alfarið um dómgæslu leiksins. Chris Kavanagh verður fjórði dómari og Stuart Attwell sér um VAR dómgæsluna.
Taylor dæmdi úrslitaleik Roma og Sevilla í Evrópudeildinni á síðasta tímabili en sá leikur fór einmitt fram í Búdapest. Taylor varð fyrir aðkasti frá stuðningsmönnum Roma á flugvellinum eftir leik. Einnig fékk hann að heyra það frá Jose Mourinho, þáverandi stjóri Roma.
Rætt var um dómarateymið í hlaðvarpi í Ungverjalandi í gær. „Út frá enska boltanum fær maður smá hroll við að heyra þessi nöfn," sagði Helgi Fannar Sigurðsson, fréttamaður á 433.is, í þættinum.
„Maður hefur heyrt þau of oft í neikvæðu samhengi. Ensku dómararnir eru þeir frægustu og umtöluðustu."
Það er ekki hægt að segja að dómgæslan á Englandi sé mjög góð og sérstaklega er VAR-dómgæslan umdeildan þar í landi.
„Taylor dæmdi úrslitaleik Evrópudeildarinnar hér í Búdapest á síðasta tímabili þar sem allt sauð gjörsamlega upp úr. Mourinho var að hrauna yfir hann í bílastæðakjallaranum. Það var veist að honum og fjölskyldu hans á flugvellinum hérna. Ég held að það hellist yfir hann minningar þegar hann lendir á flugvellinum í Búdapest," sagði Elvar Geir Magnússon. „Hann ætlar að snúa aftur og vonandi dæmir hann vel."
Athugasemdir