Mark Burchill, yfirnjósnari Bournemouth, verður á næstu dögum kynntur hjá enska úrvalsdeildarfélaginu Liverpool, en þetta fullyrðir ítalski fótboltablaðamaðurinn Fabrizio Romano.
Liverpool náði samkomulagi við Richards Hughes, íþróttastjóra Bournemouth, á dögunum en hann mun taka við sem yfirmaður íþróttamála hjá Liverpool eftir tímabilið.
Það var fyrsta ráðning Michael Edwards, sem tók við sem framkvæmdastjóri fótboltamála hjá félaginu, en hann var að snúa aftur til Liverpool eftir að hafa starfað sem yfirmaður íþróttamála og unnið í greiningardeild félagsins alveg til 2022.
Hughes sannfærði Edwards um að fá Burchill, yfirnjósnara Bournemouth, yfir til Liverpool. Samkomulag er þegar í höfn og mun hann skrifa undir samning á næstu dögum.
Hann mun formlega hefja störf hjá Liverpool í sumar.
Burchill spilaði stóra rullu í því að fá Nathan Aké, David Brooks og Philipp Billing til Bournemouth ásamt fleiri leikmönnum.
Umræddur Burchill spilaði 6 landsleiki fyrir Skotland og var meðal annars liðsfélagi Hermanns Hreiðarssonar hjá Ipswich, en auk þess lék hann fyrir Birmingham, Celtic, Portsmouth, Sheffield Wednesday og Wigan.
???????? Mark Burchill will follow Richard Hughes to Liverpool. It’s all decided for Bournemouth chief scout to join #LFC.
— Fabrizio Romano (@FabrizioRomano) March 22, 2024
It will be signed soon but agreement’s already in place.
Edwards, Hughes and Burchill will be part of the new structure. pic.twitter.com/ptpDSv9FZB
Athugasemdir