Farioli mun skrifa undir langtímasamning við Ajax en verið er að ganga frá smáatriðunum.

Farioli þykir einn mest spennandi þjálfari Evrópu. Hann er 35 ára gamall en stýrði Nice í Frakklandi á síðasta tímabili. Hann þjálfaði þar áður Alanyaspor og Fatih Karagumruk í Tyrklandi.

Þessi ungi og efnilegi þjálfari var líka orðaður við Chelsea og Brighton, en er að taka við Ajax.

Ajax átti hörmulegt síðasta tímabil og endaði liðið í fimmta sæti hollensku deildarinnar. Kristian Nökkvi Hlynsson er á meðal leikmanna félagsins.