Íslenski-bandaríski sóknarmaðurinn Cole Campbell skoraði tvö mörk í frumraun sinni með U19 ára landsliði Bandaríkjanna í 3-2 sigri á Englandi í dag.
Cole, sem er 18 ára gamall, á íslenska móður, spilaði í yngri flokkum á Íslandi og átti leiki fyrir U17 ára landsliðið en valdi það frekar að spila fyrir Bandaríkin.
Faðir hans er bandarískur og fékk hann því tækifæri á að velja Bandaríkin, sem hann gerði.
Hann er á mála hjá þýska félaginu Borussia Dortmund en hann kom til félagsins frá Breiðabliki fyrir tveimur árum.
Cole lék sinn fyrsta leik fyrir Bandaríkin í dag er U19 ára landsliðið vann England, 3-2, og skoraði hann tvö mörk. Ágætis byrjun á landsliðsferli sínum með Bandaríkjunum.
Á dögunum greindi hann frá því í viðtali að Aron Jóhannsson, leikmaður Vals, hefði hjálpað honum að auðvelda valið, en Aron valdi einnig Bandaríkin á sínum tíma og spilaði meðal annars á HM 2014 fyrir þjóðina.
Great win from the #U19MYNT today!
— U.S. Soccer YNT (@USYNT) March 24, 2024
Cole Campbell's brace in his U.S. debut, plus a goal from Marcos Zambrano helped the ???????? seal the victory over the #YoungLions ???? pic.twitter.com/gZAjvJurXi
Athugasemdir