Íslenska U19 landsliðið tekur þátt í milliriðlum fyrir Evrópumótið núna í byrjun næsta mánaðar. Ísland er í riðli með Írlandi, Króatíu og Austurríki en leikið er í Króatíu dagana 1. til 10. apríl.
U19 landsliðið komst í lokakeppnina í fyrra en til að ná því aftur þarf liðið að vinna þennan riðil.
U19 landsliðið komst í lokakeppnina í fyrra en til að ná því aftur þarf liðið að vinna þennan riðil.
Sigríður Theódóra Guðmundsdóttir er á meðal þeirra leikmanna sem munu taka þátt í þessu stóra verkefni sem framundan er en hún var líka með á Evrópumótinu í fyrra og hefur því reynslu af því að fara á stórmót.
„Þetta er mjög spennandi verkefni og við ætlum okkur aftur að komast á EM," sagði Sigríður Theódóra við Fótbolta.net í síðustu viku. „Það er ekkert annað í stöðunni."
„Ég held að yngri landsliðin séu komin með þessa stefnu núna. Þetta er hægt og núna er stefnan þannig að yngri landsliðin eigi alltaf möguleika á að fara á EM."
Hún segir að það hafi verið virkilega skemmtilegt að fara með U19 landsliðinu á Evrópumótið í fyrra en það er mikilvæg reynsla fyrir yngri leikmenn að fara á slíkt mót.
„Það var geggjuð upplifunin, ótrúlegar góðar minningar og bara frábært. Við stefnum bara enn hærra alltaf."
Hægt er að sjá viðtalið við Sigríði í heild sinni hér fyrir neðan.
Athugasemdir