Volodimir Selenskí, forseti Úkraínu, sendi úkraínska landsliðinu skilaboð eftir 2-1 sigur liðsins á Íslandi í umspili Evrópumótsins, en sigurinn þýðir að Úkraína fer á EM í sumar.
Íslandi leiddi með einu marki í hálfleik en Úkraínumenn komu til baka í síðari hálfleiknum og skoruðu tvö mörk þökk sé Viktor Tsygankov og Mykhailo Mudryk.
Úkraína hefur gengið í gegnum erfiða tíma síðustu ár eða síðan 2021 er Rússar gerðu innrás í landið.
Selenskí var því ánægður að sjá landsliðið sýna mikla baráttu og tryggja sætið á EM.
„Takk, strákar! Takk fyrir þessar yfirþyrmandi tilfinningar sem þjóðin er að upplifa, fyrir mikilvægan sigur og fyrir að komast á Evrópumótið. Fyrir að sanna enn einu sinni að þegar fólkið í Úkraínu er að ganga í gegnum erfiða tíma, þá gefst það ekki upp og heldur áfram að berjast og nær auðvitað í sigur. Á tímum þar sem þeir vilja slátra okkur á hverjum degi, sönnum við að Úkraínumenn eru og verða áfram Úkraínumenn. Takk fyrir sigurinn. Dýrð til Úkraínu,“ sagði Selenskí á samfélagsmiðlum.
Athugasemdir