Bakvörðurinn öflugi Matty Cash verður fjarri góðu gamni næstu þrjár vikurnar vegna meiðsla.
Hann missir því af næstu leikjum Aston Villa sem eru gífurlega mikilvægir. Villa á sjö mikilvæga leiki næstu þrjár vikurnar, meðal annars tvo leiki gegn Lille í Sambandsdeildinni og leiki gegn Arsenal og Manchester City í ensku úrvalsdeildinni.
Cash er 26 ára gamall og meiddist hann í frábærum sigri Póllands gegn Eistlandi í umspili fyrir sæti á Evrópumótinu í sumar. Liðsfélagar hans tryggðu Póllandi sæti á EM í Þýskalandi og fær Cash þar tækifæri til að spila á sínu fyrsta Evrópumóti.
Cash á rúmlega þrjú ár eftir af samningi sínum við Villa og hefur verið í mikilvægu hlutverki á flottu tímabili í sögu félagsins, þar sem hann er búinn að spila 40 leiki það sem af er tímabils.
Athugasemdir