þri 10. september 2019 15:15
Magnús Már Einarsson
Best í 16. umferð: Atvinnumennska og landsliðið markmiðið
Barbára Sól Gísladóttir.
Barbára Sól Gísladóttir.
Mynd: Fótbolti.net - Hafliði Breiðfjörð
Mynd: Fótbolti.net - Hafliði Breiðfjörð
„Þetta var einn af mínum bestu leikjum í sumar, en mér finnst ég eiga betri leiki þegar ég spila á kanti," sagði Barbára Sól Gísladóttir, leikmaður Selfoss, við Fótbolta.net en hún er leikmaður 16. umferðar í Pepsi Max-deild kvenna.

Barbára átti frábæran leik í 1-0 sigri Selfyssinga á Fylki á sunnudaginn. Barbára lagði upp sigurmarkið með góðri sendingu og var öflug í bakverðinum.

Alfreð Jóhannsson, þjálfari Selfyssinga, sagði eftir leik að Barbára hefði verið með Ídu Marín Hermannsdóttur í rassvasanum í leiknum.

„Mér fannst ég alveg ná að loka vel á hana og leyfði henni ekki að skapa mörg færi, en í heildina fengu þær ekki mikið af færum og varnarlínan okkar kom í veg fyrir það."

Selfoss varð bikarmeistari á dögunum og styrkti stöðu sína í 3. sæti Pepsi Max-deildarinnar með sigrinum gegn Fylki. Er gengi liðsins í sumar framar væntingum?

„Við ætluðum okkur alltaf að vinna Bikarinn og að vera í topp 5 í Pepsi Max, þannig já það mætti segja að við höfum náð markmiðum okkar og betur en það," sagði Barbára en hún segir að það hafi gengið vel að ná einbeitingu á nýjan leik eftir bikarsigurinn í síðasta mánuði.

„Fannst við vera frekar fljótar að ná okkur niður eftir sigurinn og einbeita okkur að næsta leik, en auðvitað er maður alltaf í smá sigurvímu eftir svona stóran sigur."

Selfoss á eftir að mæta KR og ÍBV í síðustu tveimur umferðunum í sumar. „Markmiðið er klárlega að ná í þessi 6 stig sem erum eftir og að enda í 3. sæti í deildinni," sagði Barbára en hún er sjálf með háleit markmið fyrir framtíðina.

„Markmið mín í framtíðinni eru að fara út í atvinnumennsku og að spila fyrir A landsliðið," sagði Barbára að lokum.

Domino's gefur verðlaun
Leikmenn umferðarinnar í Pepsi Max-deild karla og kvenna fá verðlaun frá Domino's í sumar.

Sjá einnig:
Best í 14. umferð - Arna Sif Ásgrímsdóttir (Þór/KA)
Best í 13. umferð - Ída Marín Hermannsdóttir (Fylkir)
Best í 12. umferð - Margrét Lára Viðarsdóttir (Valur)
Best í 11. umferð - Hildigunnur Ýr Benediktsdóttir (Stjarnan)
Best í 10. umferð - Hólmfríður Magnúsdóttir (Selfoss)
Best í 9. umferð - Sandra Mayor (Þór/KA)
Best í 7. umferð - Natasha Anasi (Keflavík)
Best í 6. umferð - Elín Metta Jensen (Valur)
Best í 5. umferð - Cloe Lacasse (ÍBV)
Best í 4. umferð - Elín Metta Jensen (Valur)
Best í 3. umferð - Birta Guðlaugsdóttir (Stjarnan)
Best í 2. umferð - Berglind Björg Þorvaldsdóttir (Breiðablik)
Best í 1. umferð - Hlín Eiríksdóttir (Valur)
Athugasemdir
banner
banner